RDC : ba kuluna kuluta nkama nsambwadi mene kangama [Jacquemin Shabani]
Na ntwala ya ba mwangisi ya nsangu (journalistes), mbuta Jacquemin Shabani, ministre yake talaka mambu ya bwala, mene kumisa « opération ndobo » sambu naku pesa ndola na ba kuluna yakele kufwa mpi ku botota bima ya nkangu, mingi-mingi na mbanza Kinshasa.
![RDC : ba kuluna kuluta nkama nsambwadi mene kangama [Jacquemin Shabani]](https://www.une.cd/content/images/202412/image_870x_675be4941094a.jpg)
Na mupanzi mbuta Patrick Muyaya, Jacquemin Shabani mene tuba nde ba kuluna nkama nsambwadi makumi nana na iya (784) mene kangama na Kinshasa. Bo ta nata bau na ntwala ya zuzi sambu naku sambisa bau.
« Beto kele sala kisalu na beto. Beto mene kanga bantu yina, mpi beto ke tinda bo na ntwala ya zuzi », mene tuba mbuta Shabani.
Opération ndobo ya ba mfumu mene tula na Kinshasa, ta panzana na ba bwala ya nkaka ya Kongo demokratik sambu naku manisa ba kuluna nionso.
Mbuta Jacquemin Shabani basisaka manaka yina na kilumbu ya sambanu ya ngonda yayi, sambu naku kanga mpi ku tinda na boloko ba kuluna nionso.