Mvita ku luseka ludi diba dipatukila dia ditunga: Muetu munu, Simon Kimbangu wambi ne udi munkatshi mua milombu bua ditalala dibuela mu ditunga dietu
Mfumu wa ditunga dietu Félix Tshisekedi Tshilombo, umvu muenza miyuki ni mfumu munena wa bena tshitanda tshia Kimbangu, ki muena ntanda Simon Kimbangu Kiangani, mu disatu dia matuki 13 a ngondu eu muisatu kuaka ku luseka kua Cité ya OUA, munemu mu tshimenga tshia Tshinsansa.
Bakalenga babidi aba bavu bayukila nangananga pa bidi bitangila mvita idi mituela kudi bena ditunga dia Rwanda pamue ne ba ntomboji ba M23. Pa kulonda bafidi ba ngumu ba ku luseka lua mfumu wa ditunga, Kimbangu Simon walayi bua kuenza masambila manena bua bupole bubuela munda mua ditunga dietu, nangananga ku luseka ludi diba dipatukila.
" Ndi nsambila ni mbikila Nzambi wa ba nkambua bua ditalala dibuela mu ditunga dietu", ki mualeji Simon Kimbangu Kiangani panyima pa kubikila bena kuitabuja benda bonso bua kuikala babutama ni kusambila momumue.
Bua kutua nkanana, Simon Kimbangu Kiangani wedi mfumu Félix Tshilombo tuasakidila bua kupesha ditunga dietu dituku dia 6, dia ngondo muinayi, dituku dia tshijila diomekela wa kunemekela Simon Kimbangu bua ditanta ni dishidimuka dia matinga a mukua mufika".
Tujikija bua kuleja se, dituku dia matuku 6 ngondo muinayi walua eu, nedikala dituka dia difesto ni badifutshila makuta kudi bena mudimu bonso ba mu ditunga dietu dia Congo wa ba nkambua. Dilaya difila kudi mfumu wa ditunga Tshilombo kuaka ku Nkamba.
