Kisumbulu ya Goma :"ntueni tambulaka kondwa zitisa insua ;bau ikele na intu ina lutaka bilumbu mene luta". Peter Kazadi
Mpova kele kabisama Kati ya makesa ya GR mpe ntueni,n'a nima kisumbulu salamaka n'a kinvuka ya wazalendo na Mbanza Goma. Mutindu kele mona yindula mfumu ntuadisi kilandi luyalu na ndiambu ya lukengelo.
Na ntuala ya ba mwangisi nsangu na masolo lumbu ya zole ki 06 ya ngonda uvua,vpm Kazadi zabisaka kiyeka kele natisaka état de siège na kiziunga ya Nord Kivu ti,ntambula mene pekisamaka .
"Ntueni tambulaka kondwa zitisa insua.bau ikele na intu ina lutaka bilumbu mene luta,ina beno kele bokila sika fwa bantu.na yau, bau fweti vana na lusambusu kiteso mosi ti makesa kondwaka zitisa Siku." bokilaka VPM Kazadi.
Luyalu kele katula insua Pesa makesa na kimfumu, mutindu Kele yindula yau bankaka . Peter Kazadi Kele bokila "kikonsa kele kwisaka ndambu yonso ata na inza Amérika".
Peter Kazadi mpe Patrick Muyaya kele vingila suka ya lusambusu ya makesa pesaka lufwa na ntueni n'a Mbanza Goma,ya Kele salama n'a inzo lusambusu ya makesa ya Goma, Na satisa kinvuka ya luyalu tindamaka sambu na yau.
Beno ata zaba ti, makumi tanu n'a mosi ya ntueni bakaka lufwa lumbu ki 30ya ngonda nana mene luta na Mbanza Goma Na nima bokota kabwisanaka bau na kinvuka bimpumbulu ya wazalendo vanaka mpe bokota sambu ti kinvuka monusco mpe ya makesa ya EAC katuka ntoto RDC.
