Mvita Na esti : kiziunga Nord Kivu kele vidisa ba millions ya ba dollars sambu ti,bwala bunangana Kele n'a maboko ya ba mbeni( livre blanc)
Kiziunga Nord Kivu , tuka ndilu ya bwala bunangana bakamaka na ba M23, kele vidisa ba millions ya ba dollars konso ngonda.mutindu Kele monisa livre blanc buku kele tendula bingonsa salamaka na inza Kongo démocratiki n'a inza rwanda.buku ina monisaka na polele n'a ba mwangisi nsangu kilumbu ya kiya ki 14 ya ngonda uvua 2023 na luyalu.
Na monisama n'a yau, ntumwa ya luyalu monisaka mutindu inza Kele vidisa MBongo mingi sambu ti, ndambu ya telituali kele yangisa n'a Rwanda.
Tuka invu 2020, mutindu kele zabisa livre blanc, kiziunga Nord Kivu vana kotisa MBongo 17 milliards ya Kongo,kisongidila 8 millions ya ba dollars ,yau mene Monika ve na invu 2023.
Luyalu monisaka diaka na polele bingonsa inza Rwanda kele sala Na rutshuru mpe Masisi. Buku ya livre blanc Kele zabisa ti,2,39 millions ya bantu tinaka,318 ya ba inzo kanda tulamaka tiya to mpe vana zinga n'a bimpumbulu ya binvuka ina, 67 inzo ya mavimpi simbanaka.
Buku ya livre blanc, monisaka Patrick Muyaya,kele zabisa ti, Ku luta 1,5 millions ya ntueni lenda kwenda n'a maponami, buyisamaka baka carte électorale n'a kondwa lukengelo kele yangisa ndambu ina ya inza Kongo démocratiki.
Buku ya livre blanc monisaka na polele ntumwa luyalu na ndiambu ya mwangisi nsangu kintuadi na ntumwa ya luyalu na ndiambu justice, wapi yau kele kwisa yika ina mwangisamaka n'a ngonda kumi na zole invu 2022, ya kele tendula ndiambu ya lukengelo na esti ya inza Kongo démocratiki tuka manvu.
