Jean Luc Mélenchon na ntuala Tshisekedi : « Mono kele vingila kanu ya inza France na ntuala inza Rwanda »
Opposant français Jean Luc Mélenchon yambamaka na mfumu inza Félix Antoine tshisekedi, lumbu kiya bubu ki 26 ya ngonda kumi 2023.masolo na bau vanaka na ziunga ya maponomi mpe mvita esti na bimpumbulu ya M23 na sadisa ya Rwanda na inza Congo démocratiki.
Na ntuala ba mwangisi nsangu, Jean Luc Mélenchon kele monisa ti, yandi kele vingila ti inza Rwanda yambula yangisa na ntoto inza Congo démocratiki wapi yandi kele zole Mona inza France zenga kanu na Paul kagame.
« Mono kele vingila kanu ya inza France na ina kele monisa ba pangi na mono, zenga kanu na inza Rwanda. Sambu ti inza Congo démocratiki baka ndembama ye yilamakana maponomi kele kwiza.beto kele zola ti, inza Rwanda bika bimpumbulu na bau », yikaka yandi.
Kintuadi na ntumwa nkangu ya kinvuka politiki andi, jean Luc Mélenchon bumbaka ve ntantu na yandi na mutindu inza Rwanda kele yangisa inza Congo démocratiki kele yilamakana maponomi.
« Ba ntumwa nkangu ina kele ba ina tulaka munkoloto na inzo ntueni y France ,ya kele zenga kanu na mambi imbi kele Sala inza Rwanda na kati ya inza RDC », yikaka yandi.
Jean Luc Mélenchon kele vunda na mbanza Kinshasa Tuka lumbu kizole ki 23 ya ngonda kumi. Yandi kele baka kabu na conférence ya UNIKN, ata yantika bilumbu fioti.
