Mvita ku luseka ludi dipa dipatuka dia ditunga: kuenji tshidimu tshijima lelu katshia Bunagana wakuluka mu bianza bia ba ntomboji ba M23

Patudi tuakula apa, Bunagana mushala muaba wa kuangatshila abu mapangadika anyi yabu mikenji, bua ba M23, badi bikala baheta dikuatshisha dia bunyi kudi ditunga dia Rwanda. Mamanyisha a ba M23 onso, badi baenzela amu mu Bunagana emu, badi bafutshisha bitadi ni bibawu,... Badienza nunku bamfumu ku luseka eku.

Bukalenga bua mu tshinsansa mbuenza ni muabu monsu bua se banyenga ba ntomboji ba M23 musoko eu, kadi ki mbikumbana nansha. Batumi ni basalayi ba EAC, kadi kakuena dishilangana nansha dimue to. Bualu bantu badi amu bafua ku luseka eku, bababuelela mu nzubu, babakengesha bikola kabayi banemeka manema abu nansha.

Ki kayi bena kasumbu ka société civile, balombi bua se  mena kavulambedi umbuka mu nkuasa bualu kena ukumbana bua kulongolola bukalenga bua ditunga dia Congo biakana nansha. Ba Rwandais badi bikala basokoma mu dina dia M23, badi amu  batunyenga bimenga ku tshimue ku tshimue.

Mbatunyenga musoku wa Bunagana pamue ni Bimenga bikuabu kudi ba M23, petu bikala mu Etat de siège. Ki kayi bantu bavule balobi kudi mfumu wa ditunga Félix Antoine Tshisekedi Tshilombo bua se umbusha état de siège eu, kena wambuluisha nansha.

Bifunda kudi Wa tatu Kalenga ni mamu Kapinga wa Nyindu, Valentin Kabandanyi Kelnga