Christophe lutundula sambu na ba wazalendo:" muntu mosi lenda tula mpova na ina kele nuana sambu na inza na yandi"
N'a ntuala ba mwangisi nsangu lumbu kintete ki 24 Ya ngonda kumi na masolo na bau, ministele na ndiambu ya ba nzenza kele kumisa kingolo ngolo ya matoko ya wazalendo Mutindu bau nuana ti ba M23 sambu na Lukengelo.
Christophe lutundula kele mona ti,muntu mosi ve lenda Tula mpova buya mutindu matoko ya wazalendo kele Tula kingolo ngolo sambu na Lukengelo ya inza "na ntuala bimpumbulu ya M23 kele leka kintuadi na Rwanda.
Ministele na ndiambu ya nsangu na mpova luyantiku andi, monisaka na ba mwangisi nsangu bifwanisu bakaka drone ya monusco ya kele songa makesa ya Rwanda na kati ya telituali ya tongo na kizunga Nord Kivu sambu na yika kinvuka bimpumbulu ya M23 .
Mbanza Kinshasa kele kwamina kaka na mikanu na bau na zitisama ya cessez-le-feu mutindu bau wakanaka na munkoloto ngwakana ya Nairobi na masolo ina na luanda.luyalu inza Congo démocratiki kele Tula kisitu na inza Rwanda ya kele yambula yangisa ntueni ya esti inza Congo démocratiki. RDC.
Tanzey reagan
Mono ikele Reagan TANZEY SATURNIN, mwangisi nsangu na binzonzolo ya RTEDUC na ministele ya malongi(EPST) mpe na UNE.CD. mono kele na kanda malongi ya zulu na yina mene tadila nsangu.mosi ya ba ntueni inza Kongo démocratiki.
