RDC : Manaka invu tanu ya Moïse katumbi kele monisa na 141 milliards USD
Kana mono yinga mfumu lumbu ki 20 ya ngonda kumi na zole, Moïse katumbi kele zabisa sanduku ya mbongo 141milliards USD sambu na invu tanu ya ntete yandi ata sala na itu mfumu inza.
Manaka ya luyalu kinvuka politiki ensemble pour la République ya 2024 mpe 2028 monisamaka na 'tuala ba mwangisi nsangu lumbu kintete ki 13 ya ngonda kumi na mosi 2023 na mosi mwangisi nsangu ya Moïse katumbi na zina y Christian Mwando.
Manaka ya luyalu ya opposant Moïse katumbi kele tadila bitini kumi na mosi ya funu penza sambu na tomisa luzingu mpe mavimpi, Lukengelo, bisalu bilanga ya ntueni.
Kana yandi bwela na mfumu inza, sanduku ya mbongo kele yilamakana kele ya 1,4 milliards USD sambu na yika difuta ya ba zuzi, mbongo ya bisalu ya ba zuzi mpe tunga, ba inzo ya lusambusu.
Mfumu ntuadisi ntama ya kizunga Katanga kele yilamakana diaka kangula bifulu ya bisalu ya bilanga ,yidika ba zila ata sadisa nata bima, sadisa na ba maman kele salaka bilanga mpe tomisa bisalu ya bilanga na sanduku ya mbongo Kufwana 7,1milliards mene bumbama sambu na sectele ya bilanga.
Manaka ina ya 2024-2028 ya Moïse katumbi kele na zina "Alternative 2024" sambu na inza Congo mosi , démocratique, ngwakana.
