Maponomi Na intu inza 2023: Moïse katumbi kele bokila "mazayisu kondwa zitisama na yau" ya tshisekedi Na Moanda
Lumbu kizole ki 26 ya ngonda uvua ,mfumu ya kinvuka politiki ensemble pour la République, Moïse katumbi ,salaka nzietolo Na kizunga ya kongo centrale, penza na ndambu ya westi ya inza kongo démocratiki.
Nzietolo ya mfumu kinvuka politiki ensemble pour la République, yantikaka na mbanza Moanda, wapi yandi yambamaka Na ntueni mingi kwisaka fulusa kibansala ya avion ya mbanza Moanda.na mpova na yandi, Moïse katumbi monisa musapi na mazayisu kondwa zitisama ya mfumu inza Félix tshisekedi na ndambu ina ya inza.
"Moanda fueti vana lokola monaco.mbongo ya inza kele diaka Na talu katu ve, kansi difuta ba nsadi ya l'état kele balula ve.kizunga ya kongo centrale kele ntu bundu ya nsemo.mpe pitoloni ikele, yau fueti vana Na ba maswa ya ndobo.kizunga lenda vana katu ve Na busukami.yau ta mana Na ngonda zole " bokilaka Yandi.
Gouvernere ya ntama kizunga katanga monisaka diaka lozolo ya yidika manaka ya kweso CAN mpe CHAN Na inza kongo démocratiki kana yandi bwela na kiti kimfumu inza.
Na nima Mbanza moanda, Moïse katumbi kwendaka Na Mbanza filakani ya Boma, wapi ntueni mingi kwisaka yamba yandi lokola.
Na kizunga kongo centrale bonso bizunga yankaka yandi tambulaka, Moïse katumbi bokilaka ngwaka na kinvuka politiki Andi mpe manaka nna yandi sambu na inza kana yandi bwela na kiti kimfumu inza.
