Kinsasa :Ku luta mafunda mosi ya ba kuluna monisamaka mfumu ntuadisi na ndiambu ya lukengelo
Yau yonso mafunda mosi na nkama zole na kumi tatu na sambwandi (1237) kuluna monisamaka na mfumu kilandi ya luyalu na ndiambu ya lukengelo, kilumbu ya zole ya mposo kuna na kibansala ya kweso ya Martyrs na mfumu ntuadisi ya pulusu ya Mbanza kinsasa.
Peter Kazadi zabisaka na bimpumbulu ti, Andi ata pesa bau ndolo mutindu bau kele nionga ba ntueni, wapi Andi kele lomba yustisia sambisa bau kilumbu ya tatu ya mposo sambu ti bau pesa vutu na binvu n'a bau.
"Beno ,kuluna,beno kele zangisa ndembama lukengelo.beno kele fwa bantu,beno Kele baka ba nkento na kingolo ngolo,beno kele yina ....mono,ata wila beno mawa katu ve.tuka mbasi,beno ata vandaka na ntuala ya ba zuzi sambu na tendula binvu n'a beno.beno ikele ba ntueni kele zingaka na kati ya bantu ve,beno mene Zola ve inza Kongo démocratiki ye nkangu.beto ta baka beno mutindu yau" bokilaka yandi na ba kuluna.
Na kati ya ba kuluna, ikele Monika mpi ba pulusu.
"Mono ta kengidila mono mosi,n'a nima kanu.beno fweti kwenda n'a boloko,ya angenga, buluwo,awa na Mbanza kinsasa ve.na beno bimpumbulu yankaka mene bikala,beto kele tuba ti,beto ata yambula katu ve ba kuluna na ndembama,pamba ve,bo kele lutilaka l'état katu ve " bokilaka yandi.
Na Mbanza kinsasa, yau Kele lutaka lumbu mosi ve kondwa ndiambu ya wonga ya bimpumbulu na Kati ya nkangu.
